संकलन भएको गिरीले बताए । गिरीको अभियानमा मुख्य गरी जापानीज नागरिक चिजुका (Chizuka) र उनका साथीहरु र रुमी इटो (Rumi-Ito) ले सघाएका थिए । ‘प्राकृतिक बिपत्ति परेकोले रकम संकलन गर्ने अभियान चलाएको थिएँ,’ गिरीले भने, ‘जापानीहरुको सहयोग बाट प्राप्त रकम भूकम्प प्रभावित विद्यालयमा सघाएका छौँ ।’ सो रकम भूकम्पले पूर्ण रुपमा क्षती भएका बसन्त मावि छिस्ती, त्यसै गरी भूकम्पले क्षती पुगेका दुर्गा निमावि पैयुँपाटा—३, शिवालय निमावि पैयुँपाटा—४, जनमत मावि बास्कोटा पैयुँपाटालाई रकम पठाएका हुन् । भूकम्पबाट क्षती भएका चार विद्यालयलाई प्रति विद्यालय २० हजार २ सय २२ रुपैयाँको दरले रकम प्रदान गरिनेछ । सो रकमबाट विद्यालयको भौतिक पूर्वाधार निर्माणमा केही सहयोग हुने अपेक्षा गरिएको छ । विद्यालय निर्माण पछि विद्यालयमा पठनपाठनमा सहयोग पुग्ने बसन्त मावि छिस्तीका प्रधानाध्यापक होमनाथ पौडेलले बताए । ‘भवन भत्किएको अवस्थामा जापानबाट आएको सहयोगले राहात पुगेको छ,’ पौडेलले भने, ‘आगामि दिनमा पनि सहयोग निरन्तरताको अपेक्षा राखेका छौँ ।’